• Мартин Танасковски
Селекторот на Португалија, Роберто Мартинез, ги отфрли критиките упатени кон Кристијано Роналдо по разочарувачкиот старт на неговата репрезентација на Светското првенство 2026. Искусниот напаѓач не успеа да упати ниту еден удар во рамките на голот на натпреварот во Хјустон, продолжувајќи ја својата голгетерска суша на пет последователни натпревари на Светските првенства, односно на десет меча во низа на големите репрезентативни турнири.
41-годишниот Роналдо нема постигнато погодок од игра на Светско или Европско првенство уште од јуни 2021 година, што предизвика бројни коментари дека Португалија треба да размислува за нови решенија во нападот.
Сепак, Мартинез јасно порача дека замената на капитенот не била сериозна опција додека неговата селекција се обидувала да стигне до победнички погодок.
„Нема никаква смисла да го извадите од игра најдобриот стрелец во историјата на светскиот фудбал на натпревар во кој ви се потребни голови“, изјави шпанскиот стратег.
Роналдо, кој со 143 погодоци е убедливо најдобар стрелец во историјата на португалската репрезентација, противникот го дочека и со уште едно историско достигнување. Тој стана само вториот фудбалер кој настапил на шест Светски првенства, веднаш по Лионел Меси, кој истиот подвиг го оствари неколку часа претходно во дресот на Аргентина.
