• Мартин Танасковски
Екипата на Порто на домашен терен го победи Спортинг Лисабон (1-0) и со вкупен резултат 3-1 патува во финалето од Купот на Португалија.
„Змејовите“ се доминантни на домашната сцена, а тоа го потврдија со втората победа над актуелниот првак на земјата од Пиринејскиот полуостров кој е во заминување. До финалето, Порто дојде со еден погодок.
- Голот за победа на Порто:
„Џокер“ на натпреварот е Тони Мартинез. Играчот влезе од клупата за резерви во 81. минута на местото на Еванлисон, а само две минути подоцна по асистенција на Пепе успеа да ја стресе мрежата на „лавовите“ и да донесе голем триумф. Спортинг го заврши мечот и со играч помалку затоа што во 89. минута директен црвен заработи Поро.
Ривал на Порто во финалето ќе биде екипата на Тондела која ќе ја понесе улогата на аутсајдер.
