• Саше Љолес
Тренерот на Челзи, Енцо Мареска, во изјава за англиските медиуми изрази незадоволство од времето за подготовка за финалето во Конференциската лига, истакнувајќи дека шпанскиот Бетис има два дена повеќе за одмор.
Бетис ќе ја заврши сезоната в петок против Валенсија, а Челзи својот последен премиерлигашки меч ќе го одигра в недела (против Нотингем Форест).
„Не сум задоволен од времето што го имаме на располагање. Сакав да го истакнам тоа, но сепак ќе се бориме со сите сили и ќе се обидеме да го освоиме трофејот.
Мислам дека е неверојатно еден тим да има два дена помалку одмор пред европско финале. Му посакувам среќа на Бетис, да одиграме еден убав натпревар“, изјави Мареска.
Финалето во Конференциската лига помеѓу Челзи и Бетис ќе се одигра на 28 мај на стадионот на Сласк во Вроцлав. Почетокот е закажан за 21:00 часот.
