• Иван Димовски
Заврши зимскиот преоден рок, кој за разлика од некои претходни години, овојпат беше доста исполнет со информации, преговори, па дури и големи трансфери. Рекорден трансфер оваа зима е оној на Џон Дуран од Астон Вила во Ал-Наср за 77 милиони евра, додека веднаш по него е Омар Мармуш од Ајнтрахт Франкфурт во Манчестер Сити (75 милиони евра).
<<< - ПОВРЗАНО - Заврши преодниот рок во топ-лигите: Еве ги најголемите 10 трансфери!
Манчестер Сити потроши најмногу оваа зима. Пеп Гвардиола и челниците на клубот ја сфатија сериозноста на кризата која го „тресе“ шампионот, па се потрудија добро да го засилат тимот. Најскапо засилување беше Мармуш, купен беше и Нико Гонзалез за високи 60 милиони, но дојдоа и уште неколку млади имиња. На сè тоа Сити потроши 218 милиони евра, што е убедливо најмногу.
На второто место на листата се најде Ал-Наср со единствениот трансфер на Дуран, додека изненадувачки третопласиран е француски Рен. Овој клуб ги купи Секо Фофана за 20, Брис Самба за 14, Роалт за 13, Фурухаши за 12 милиони евра... Тоа не е крајот на изненадувањата во „топ 10“. Потоа следат ПСЖ, Ал-Ахли, РБ Лајпциг, Вулверхемптон, Комо, Брајтон и Милан.
- НАЈГОЛЕМИ ДЕСЕТ ПОТРОШУВАЧИ ОВАА ЗИМА:
- Манчестер Сити (218 милиони евра)
- Ал-Наср (77 милиони евра)
- Рен (74,65 милиони евра)
- ПСЖ (70 милиони евра)
- Ал-Ахли (59 милиони евра)
- РБ Лајпциг (55,5 милиони евра)
- Вулверхемптон (50 милиони евра)
- Комо (49,2 милиони евра)
- Брајтон (48,75 милиони евра)
- Милан (48,5 милиони евра)
Што се однесува до поделбата по лиги, очекувано премиерлигашите потрошија најмногу (447 милиони евра). Двојно помалку трошеа калчолигашите, околу 220 милиони евра, а потоа следат клубовите од француската Лига 1, па оние од Саудиска Арабија и „топ 5“ ги заокружуваат Германците. Изненадувачки скромни беа Шпанците со потрошени само околу 26 милиони евра.
Прочитајте повеќе околу трансферите во Македонија и во светот на ОВОЈ линк.
