• Мартин Танасковски
Англискиот првак Манчестер Сити ја забележа првата победа во Лигата на шампионите, славеше на гостувањето кај Слован Братислава (0-4) и со тоа успеа да израмни импресивен рекорд во елитното друштво.
Избраниците на Пеп Гвардиола демонстрираа сила и така дојдоа до 25 натпревари по ред без пораз во елитното натпреварување. Овој рекорд е во сопственост на Манчестер Јунајтед, кој исто така има 25 средби без пораз.
До достигнувањето „ѓаволите“ дојдоа во периодот од септември 2007 до мај 2009 година, водени од легендарниот шкотски стратег Сер Алекс Фергусон.
Сопственици на уникатниот рекорд, „граѓаните“, кои во 25 меча имаат 17 победи и осум нерешени, ќе може да станат на 23 октомври кога во рамки на третото коло играат против чешка Спарта Прага.
