• Саше Љолес
Фудбалерот на Струга Трим Лум, Христијан Малески, зборуваше пред дерби натпреварот со Вардар во Првата македонска лига, најавувајќи голема борба за бодовите и продолжување на одличните резултати.
Стружани и вардарци се водечки екипи во елитното друштво, па токму затоа Малески очекува жестока битка, но посакува среќен епилог за неговиот тим.
„Одлично трениравме оваа недела. Мислам дека тимот е 100% подготвен за максимален ефект на теренот во овој дерби натпревар. Ако ги исполниме сите барања на тренерот, тогаш можеме да се надеваме на победа и нови три бода.
Имаме одлична атмосфера во тимот, тоа резултираше со добри игри и одличен почеток на сезоната. Задоволен сум од моите настапи, иако знам дека секогаш може подобри. Благодарен сум на тренерот за довербата, се надевам дека ќе продолжиме победнички и во иднина“, рече Малески.
Дербито меѓу Струга Трим Лум и Вардар започнува во 15:00 часот.
