ВМФЛ

Промашените пенали се минато, Пелистер повторно победува и бега на врвот на второлигашката табела. Благојче Главевски пак беше творец на два гола, а солидниот Велазерими жали што само четири минути имаше водство под „Тумбе кафе“. Пет победи од седум натпревари се добар капитал за екипата на Дарко Крстески, посебно ако се знае дека и следниот викенд пелистерци играат на својот стадион.

Лидерот Пелистер најмногу профитираше од натпреварите од седмото коло на ВМФЛ-Запад, бидејќи извојува победа, а директните конкуренти за врвот ремизираа. Во Битола падна жилавиот Велазерими со 3-1, а два гола за победничката екипа постигна Благојче Главевски. 

Соседното дерби донесе голема посета во Охрид, но калкулантски фудбал и натпревар без голови. Лабуништа допатува со серија на проблеми на „Атина Бојаџи“ и бодот не е негативен резултат за избраниците на Пепи Џигероски.

Соседната пресметка на Охрид и Лабуништа попладнево ги разочара љубителите на фудбалот крај Охридското езеро. Ремито без голови беше единствениот логичен исход, а охриѓани ги имаа позрелите шанси. 

Екипата на Победа од Прилеп забележа важна победа во Втората лига - Исток и на домашен терен славеше над еден од конкурентите во битката за опстанок, крушевски Питу Гули (2-1).