• Иван Димовски
Фудбалската репрезентација на Македонија до 21 година ја очекува натпреварот од четвртото коло во квалификациите за Европското првенство.
Избраниците на Горан Станиќ попладнево од 18:00 часот ќе ѝ гостуваат на Црна Гора во натпревар кој ќе се одигра во Тузи. Според букмејкерите, домашната селекција е фаворит на средбата против Македонија. Сепак, двете селекции имаат идентичен скор досега, по победа и два порази, па се очекува голема борба за бодовите.
Македонија на Станиќ доаѓа во Тузи во нешто подобра атмосфера, бидејќи на претходниот меч во Битола славеше против Ерменија со 2-1. Од друга страна Црногорците загубија со 2-0 од Полска на гостински терен.
Досега Македонија и Црна Гора во оваа старосна категорија играле шест пати, а секогаш победувала нашата селекција. Сепак, само еднаш победата била со два гола разлика (2-0), а сите други се минимални.
