• Горан Упале
Фудбалската селекција на Македонија одново пријатно ја изненади фудбалска јавност и вторпат во низа е меѓу најдобрите репрезентации во мундијалските квалификации. Момците на Благоја Милевски во Кардиф против Велс го играат клучниот натпревар од квалификациската група, а евентуален поволен резултат од оваа средба ќе ни донесе условно речено полесен противник во баражот за Светското првенство во Соединетите Американски Држави, Канада и Мексико.
Фудбалерите денеска им се приклучија на стручниот штаб во Скопје и заедно ја започнуваат најважната мисија во овие квалификации. Милевски се реши за проверени сили, но голем хендикеп ќе биде неиграњето на Алиоски, кој е повреден.
Македонија ќе има мини-подготовки во главниот град, а в четврток на 13 ноември е закажан и пријателски натпревар со Летонија кој ќе биде генерална проба.
ФОТО: Фудбалска федерација на Македонија
