• Саше Љолес
Повремениот македонски репрезентативец, Давид Бабунски, одлично се снаоѓа во новата средина и веќе го постигна првиот гол за неговиот Данди Јунајтед.
Бабунски се најде во почетниот состав на натпреварот против Еир во шкотскиот Лига Куп и успеа да го отвори резултатот на маестрален начин, со гол од слободен удар и скоро од „мртов“ агол.
Додека сите очекуваа центаршут во шеснаесетникот, нашиот Бабунски биеше силно на втората статива, а голманот на гостинската екипа беше немоќен да спречи водство на Данди Јунајтед. Македонецот пристигна во новиот клуб пред само неколку денови и веднаш покажува дека може да биде големо засилување.
