• Горан Упале
Фудбалската репрезентација на Шпанија продолжи со максимален ефект во Лигата на нации, откако на домашен терен ја совлада Чешка со 3-1 во третото коло.
Светскиот шампион одлично го отвори натпреварот и уште во шестата минута стигна до водство. Ламин Јамал повторно покажа дека е еден од главните адути на „црвената фурија“, откако мајсторски погоди од работ на шеснаесетникот за 1-0.
- Шпанија - Чешка 3-1
Шпанците продолжија да доминираат, имаа поголем посед и постојано го притискаа голот на гостите. Таквата игра вроди со плод во 35. минута, кога Родри ја затресе мрежата за 2-0. Чешка во вториот дел успеа да се врати во натпреварот. Слама во 69. минута намали на 2-1 и внесе неизвесност во завршницата. Сепак, Шпанија не дозволи пресврт. Во 89. минута Микел Мерино стави точка на натпреварот со погодок за конечни 3-1.
- Швајцарија - Словенија 2-1:
Трета победа забележа и селекцијата на Швајцарија, која што пред својата публика славеше над Словенија со 2-1. Випотник уште во втората минута донесе водство за гостите од Словенија, но Јанжа со автогол израмни на 1-1, а победата на лидерот во групата на Македонија ја донесе Ндоје.
