• Саше Љолес
Екипата на Глазгов Ренџерс одигра храбро на гостувањето кај Ференцварош во Лига Европа, но мораше да се помири со пораз со 2-1 (1-1) во натпреварот од шестото коло.
Нашиот Бојан Миовски беше стартер за „полицајците“ и постигна спектакуларен погодок со „ножички“ во 27. минута, но домаќинот успеа да се врати до паузата со голот на Бенсе Отвос.
- Голот на Бојан Миовски против Ференцварош:
Шкотскиот гигант одигра бледо второ полувреме и го наруши впечатокот од првиот дел, а Ференцварош го искористи моментот и поведе со 2-1 со погодокот на Барнабас Варга во 72. минута. Унгарците на крајот победија со 2-1 и се задржаа на третата позиција на табелата, а Ренџерс останува на само еден освоен бод и скоро без шанси за пласман во плеј-офот.
- Динамо Загреб - Бетис 1-3:
Црвена Звезда се избори за гостински триумф кај Штурм Грац (0-1), Динамо Загреб потклекна пред шпанскиот Бетис со конечни 1-3, Мидтјиланд го совлада Генк со 1-0, Штутгарт го „здроби“ Макаби Тел Авив со убедливи 4-1, Нотингем Форест се враќа со победа од Утрехт (1-2), а португалската Брага со минимални 0-1 славеше на гостувањето во Ница.
- Штурм Грац - Црвена Звезда 0-1:
Јанг Бојс со 1-0 беше подобар од францускиот Лил, а најефикасниот натпревар го одиграа екипите на Лудогорец и ПАОК, кој заврши со конечни 3-3.
- Лудогорец - ПАОК 3-3:
