• Саше Љолес
Тренерот на европскиот шампион, ПСЖ, Луис Енрике, не го криеше незадоволството по поразот од Ленс со 0-1 во францускиот Суперкуп. Сепак, причината за неговата нервоза не беа само резултатот и играта на тимот, туку и постојаните прашања за иднината на Бредли Баркола и Ибрахима Мбаје.
Двајцата офанзивци не беа во составот за натпреварот, што дополнително ги засили шпекулациите дека би можеле да го напуштат Париз. Во последните денови и двајцата се поврзуваат со трансфер во Ливерпул.
Енрике првично се обиде да ја избегне темата и порача дека нема намера да зборува за трансфери додека трае преодниот рок. Но, бидејќи новинарите продолжија да инсистираат, особено со прашања дали нивното отсуство има врска со можен трансфер во Англија, тренерот реши да стави крај на прес-конференцијата.
„Благодарам и довидување.“ По овие зборови, Енрике стана од столчето и ја напушти просторијата.
Шпекулациите за Баркола и Мбаје дополнително се засилија бидејќи двајцата не настапија ниту во европскиот Суперкуп против Астон Вила.
Ливерпул е заинтересиран за ангажман на двајцата фудбалери. Баркола, кој има 23 години, пристигна во ПСЖ од Лион за 45 милиони евра. За парискиот клуб досега одигра 152 натпревари, на кои постигна 39 голови и забележа 37 асистенции.
Мбаје, пак, е производ на младинската академија на ПСЖ. Иако има само 18 години, веќе има 42 настапи за првиот тим, со четири гола и четири асистенции.
