Лудо лисабонско дерби: Спортинг водеше до 94. минута, но на крајот загуби (ВИДЕО)

Градското дерби на двата лисабонски клубови, Бенфика и Спортинг, донесе неверојатни емоции и пресврт. Иако губеше со 0-1 до судиското надополнување, португалскиот шампион се надмина себеси и во судиското надополнување постигна два гола и стигна до победа од 2-1.

Во последните мигови од првиот дел, по акцијата на Едвардс, на вистинското место се најде Гјокерес и ја погоди мрежата на Трубин (0-1). Целото второ полувреме мина во знакот на „орлите“, а притисокот стана уште поголем, кога најценетиот дефанзивец во „зелено-белиот“ дрес, Инасио, заработи два жолти картони и беше исклучен.

По серија шанси на момците на Роџер Шмит, во судиското надополнување се случи чудо. Се играше 94. минута, кога и голманот Трубин се пресело во казнениот простор на Спортинг. Гостинската одбрана не бранеше најдобро, топката на 6-7 метри од голот стигна до Невес, кој од непосредна близина го совлада ветеранот Адан.

„Зелено-белите“ не се ни созедоа, а во седмата минута од надополнување Тенгштед постигна гол за 2-1. Најнапред судиите го поништија голот заради офсајд, но од ВАР-собата стигна „зелено светло“ и домашните фанови почнаа да слават. 

  • Извештај од натпреварот:

Со оваа победа Бенфика се израмни со Спортинг на врвот со 28 бода, три повеќе од Порто. 

Состави

Роџер Шмит

3-4-3

    Рубен Амурим

    3-4-3