• Зоран Мишевски
Поранешниот освојувач на европските клупски натпреварувања, киевски Динамо се соочува со голема криза. Во саботата, по поразот на Динамо Киев од Шахтјор со резултат 0-1, 78-годишниот Мирчеа Луческу објави дека го напушта Динамо Киев и ја завршува тренерската кариера.
Легендарниот голман Александар Шовковски привремено ќе биде тренер на Динамо Киев, по заминувањето на романскиот стручњак.
48-годишниот Шовковски беше дел од стручниот штаб на Луческу и негов прв помошник. Кога Мирчеа Луческу извесно време беше на боледување поради здравствени причини минатата година, Александар Шовковски беше тренер на тимот. Емил Карас, Олег Гусев и Михаил Михаилов ќе продолжат да работат во стручниот штаб на Шовковски.
