• Мартин Танасковски
Македонскиот репрезентативец, Александар Трајковски, заработил повреда на последниот тренинг со неговиот Хајдук и затоа ќе мора да почека на дебито кај новиот тренер Џенаро Гатузо.
Искусниот Трајковски се пожалил на болка во листот, по што медицинскиот тим решил дека е потребно време за пауза. Фудбалерот ги мина деталните лекарски прегледи и доби лоши вести – мора да мирува најмалку три седмици од полн тренажен процес за да се санира повредата.
Крилниот напаѓач за сплитски Хајдук минатата сезона одигра солидна сезона и запиша скор од седум гола и три асистенции.
