• Мартин Танасковски
Екипата на Ливерпул забележа победа во големото англиско дерби против Манчестер Јунајтед (3-0) во последниот контролен натпревар кој „црвените“ го играа во Соединетите Американски Држави пред стартот на новата сезона.
- Извештај од натпреварот:
Избраниците на Арне Слот одиграа одличен меч и ги искористија шансите, наспроти Манчестер Јунајтед на Ерик Тен Хаг кој покажа доста слабости и се мачеше со реализацијата, посебно во првото полувреме кога имаше двојно повеќе шанси од противникот, ама не ги искористи.
Уште во 10. минута младинецот Фабио Карваљо по асистенција на Диого Жота ја најави победата. Во 36. минута, Куртис Џонс доби топка од Мо Салах и зголеми на 2-0 и тоа беше резултат на паузата. Во вториот дел, Костас Цимикас го постави конечниот резултат.
И Манчестер Јунајтед и Ливерпул ја завршуваат американската турнеја со овој дуел. „Ѓаволите“ ги чека меч во Комјунити Шилд против Манчестер Сити на 10 август, додека Ливерпул ќе игра уште еден тест дуел со Севиља на 11 август.
