Екипите на Нотингем Форест и Барнли го поделија пленот во последниот меч од петтото коло во Премиер лигата, играјќи нерешени 1-1 на „Сити Граунд“. Гостинот успеа да поведе во првиот дел, меѓутоа тогаш на сцена стапи новајлијата Калум Хадсон Одои кој изведа мајсторија. Сепак, ниту ефектниот погодок на крилниот играч не беше доволен за победа, а тимот на Винсен Компани го освои првиот бод сезонава.
