• Мартин Танасковски
Легендарниот холандски стратег Дик Адвокат уште еднаш го запиша своето име во историјата на светскиот фудбал.
Со водењето на репрезентацијата на Курасао на натпреварот против Германија во групата Е на Светското првенство 2026, Адвокат стана највозрасниот селектор што некогаш предводел репрезентација на Мундијал.
Холанѓанецот го постави рекордот на возраст од 78 години и 260 дена, надминувајќи го досегашниот рекордер Ото Рехагел. Германскиот стручњак имаше 71 година и 317 дена кога ја водеше Грција на Светското првенство во Јужна Африка во 2010 година.
Но, тоа не е единствениот историски подвиг на Адвокат.
Тој стана и единствениот селектор на Светското првенство кој бил дел и од Мундијалот одржан во САД во 1994 година. Пред цели 32 години, Адвокат беше селектор на својата татковина Холандија и ја водеше на турнирот во САД.
