• Горан Упале
Фудбалерите на РБ Лајпциг во незгоден момент забележаа нов неуспех во Бундеслигата, откако од гостувањето кај Бохум се враќаат со минимален пораз од 1-0. По поразот од Борусија Дортмунд, „биковите“ во претходното коло го совладаа составот на Борусија Менхенгладбах, но денес одново ги разочараа фановите и овој пораз значително ги оддалечи од трката за титулата во германскиот шампионат.
- Бохум - РБ Лајпциг 1-0:
Бохум, пак, кој грчевито се бори за опстанок во елитата, по серијата порази конечно запиша три бода на своето конто и со голот на Машовиќ во вториот дел го забележа само осмиот триумф сезонава. Денешните три бода на домаќините им донесоа скок од едно место на табелата и сега се на 14. позиција со четири бода повеќе од Херта, која што е најгоре во опасната зона. РБ Лајпциг, пак, остана на 45 бода и по комплетирањето на ова коло многу лесно може да падне на петтото место на табелата.
Важна победа во трката за излез во Европа забележа тимот на Волфсбруг. „Зелените“, исто како и Бохум, со минимални 0-1 го совладаа Штутгарт и се искачија на седмото место со 38 бода. Голот вреден победа за Волфсбург го постигна Мармуш во 56. минута.
- Штутгарт - Волфсбург 0-1:
Најубедлив од попладневната програма во Бундеслигата беше Хофенхајм, кој на свој терен со 3-1 ја совлада Херта, додека Шалке со погодок во 93. минута се избори за реми кај Аугсбург (1-1).
- Хофенхајм - Херта 3-1:
Попладнево се игра дуелот на „Сигнал Идуна парк“ меѓу Борусија Дортмунд и Келн.
