• Горан Упале
Во еден исклучително чуден развој на настаните, Жозе Мурињо не чекаше долго за нова работа откако практично беше отпуштен од Фенербахче, кој веќе немаше трпение за него. Сосема неочекувано, тој се врати на клупата на Бенфика, најлутиот ривал на Порто, клуб со кој го создаде своето име.
„Специјалниот“ триумфално извика на прес-конференција дека Фенербахче „не е на неговото културно и фудбалско ниво“, и сето тоа го заокружи со убедлива победа на гости против Авеш. Сепак, синоќа, на своето деби пред домашната публика, беше пречекан со „ладен туш“, затоа што Бенфика ремизираше против аутсајдерот Рио Аве.
„Орлите“ се мачеа до крајот на натпреварот, поведоа дури во 86. минута со голот на Судаков, но прекрасниот удар на Андре Луис во првата минута од судиското продолжение ја прекина серијата на Рио Аве без освојување на ниту еден бод на гостински терен против Бенфика во претходните дваесет години.
Лутите навивачи на Бенфика не го криеја своето незадоволство, па се чини дека Мурињо нема да може да ја освои публиката на своја страна со чувствителни изјави, туку само со победи.
