• Иван Димовски
Култниот бразилски клуб Сантос експресно се враќа во елитната Серија А. По само една сезона меѓу второлигашите овој славен клуб успеа да избори кам-бек во првата лига.
Сантос на две кола пред крајот на првенството се наоѓа на врвот на табелата и математички не може да падне подолу од четвртото место. Во Серија Б на Бразил првите четири на табелата одат во елитниот ранг, па Сантос веќе си го обезбеди местото и е на добар пат да биде крунисан во второлигашки првак.
Клубот во кој блескаше големата бразилска ѕвезда Пеле во својата историја има осум трофеи и со тоа е на второто место на „вечната листа“ зад Палмеирас кој има 12.
