• Саше Љолес
Германскиот фудбалски ас, Тони Крос, пред Светското првенство во 2026 година изнесе интересен став за фаворитите за освојување на трофејот. Според него, и покрај големата традиција на Германија и Бразил, овие репрезентации не се меѓу петте најголеми фаворити на Мундијалот.
Крос истакна дека на врвот се селекции како Шпанија, Португалија и Франција, како и некои екипи што можат да изненадат и да се покажат како сериозни кандидати за титулата.
„Германија и Бразил имаат генерации што веројатно не се способни за пиедесталот. Јас сум само реален и објективен. Знам дека ќе се намали квалитетот на првенството, зашто ќе има селекции што ќе губат по 5-0. Тоа за мене е не е реален одраз за тоа како треба да изгледа еден Мундијал.
Сакам мојата Германија да триумфира, но не знам дали има сила. Фаворити за трофејот очекувам да бидат Шпанија, Франција, можеби и Португалија“, рече Крос.
Неговата изјава предизвика големо внимание во фудбалската јавност, затоа што традиционално силните репрезентации се сметаа за најголеми кандидати за титулата, но Крос јасно посочи дека конкуренцијата е многу поголема и дека ќе има многу изненадувања на Светското првенство.
