• Мартин Танасковски
Успешен настап во подготвителниот период имаше и Реал Мадрид, кој со убедливи 3-0 го совлада германскиот Шалке.
- Извештај од натпреварот:
„Кралскиот клуб“ брзо го отвори резултатот, откако Килијан Мбапе уште во шестата минута ја затресе мрежата на германскиот тим за водство од 1-0. Само четиринаесет минути подоцна, Дин Хојсен ја зголеми предноста на Реал Мадрид на 2-0, потврдувајќи ја доминацијата на шпанскиот гигант во првото полувреме.
Во продолжението од натпреварот, младиот Карлос Еспи уште еднаш го покажа својот потенцијал. По погодокот против Ференцварош во претходниот контролен меч, талентираниот напаѓач се запиша меѓу стрелците и против Шалке, со што ги постави конечните 3-0.
