• Мартин Танасковски
Победите на екипите од источниот дел на земјата, Детонит Плачковица и Кожуф против Беса и Пелистер донесоа големи изненадувања и нов лидер во ВМФЛ по петтото коло.,
Екипата на Детонит Плачковица прослави одличен викенд во Втората македонска фудбалска лига (ВМФЛ), со дерби-победа над силната Беса (2-0) која, пак, го доживеа првиот пораз.
- Детонит Плачковица - Беса 2-0:
Тимот на Александар Таневски имаше перфектен старт со четири победи и заедно со Кожуф беа единствените без неуспех, но сега работите се сменија. Радовишани одиграа одличен дуел и дојдоа до големи три бода пред својата публика. Триумфот го најави Иван Настевски, а печат му стави Александар Смилков.
Дерби-дуелот меѓу екипите на Кожуф и Пелистер кој се одигра на стадионот во Гевгелија заврши со триумф на домашните (3-2) и така гевгеличани се единствени екипи кои имаат пет победи по пет кола во ВМФЛ. Богданоски даде два гола за Кожуф, а еднаш погоди Митков. Благоја Љамчевски и Бојан Спиркоски беа стрелци на головите за гостите.
- Караорман - Арсими 0-6:
Арсими покажа моќ на гостувањето кај еден од кандидатите во битката за опстанок, струшки Караорман и го совлада со 0-6. Двоен стрелец беше Арѓент Гафури, а по еднаш реализираа Илбер Беќири, Ајрадин Цуцули, Шпенд Асани и Ерион Шуку.
- Новаци - Башкими 1-0:
Важни три бода освои Новаци, кој на домашен терен го совлада Башкими од Куманово со минимални 1-0. Човек на одлука на мечот беше Бобан Тасевски кој во листата на стрелци се запиша во 39. минута од натпреварот во игралиштето во село Новаци.
- Беласица - Победа 3-1:
Триумф забележа и Беласица, која дома на стадионот „Благој Истатов“ беше поуспешна од прилепска Победа (3-1). Струмичани ги имаа расположените Благој Стојанов, Александар Милушев и Тони Мичковски, додека единствениот гол за прилепчани го даде Амил Табаковиќ.
Охрид беше успешен на гости кај еден од кандидатите за испаѓање, кочански Осогово (0-3). За „рибарите“ погодија Демир Хусеин, Оливер Дишлиевски и Емил Скоко, а претходеа одличните асистенции на Виктор Наумовски и Самед Кадриоски.
- Осогово - ГФК Охрид 0-3:
Тетекс дојде до три бода кај Саса во Македонска Каменица (1-2). Новото засилување Марио Станковски погоди за „штофарите" заедно со Мустафа Јусуф, додека домашните во 90. минута намалија преку Филип Николовски. Вардар Неготино во последниот дуел дома го совлада Скопје (2-0) со головите на Дарко Мојсовски и Ристе Лембовски.
Кожуф е лидер со 15 бода, пред Детонит Плачковица со 13, Беса со 12 и Пелистер со 10 бода. Изненадување на сезоната е Новаци, кој има 9 бода по пет одиграни кола.
