Костовски даде гол, Леувен продолжи да реди порази

Македонскиот интернационалец Јован Костовски постигна гол за својот Леувен во рамките на белгиската Проксимус лига.

Леувен како гостин загуби со 2-1 (1-1) од Розелар, а Костовски успеа да стрела во 37. минута од мечот.

За македонскиот фудбалер ова беше 20-ти меч сезонава, на кој го постигна шестиот погодок.

Леувен е во голема резултатска криза и има пет порази во низа. Во наредното коло тимот се соочува со веќе отпаднатиот Ломел Јунајтед.