Косово

Косовскиот шампион Дрита преку социјалните мрежи потврди дека се раздели со четворица фудбалери. Се работи за Буњамин Шабани, Дарко Тофилоски, Лиридон Лечи и Лирим Мема.

Легендарниот Артим Шаќири не е повеќе тренер на косовскиот клуб Фљамуртари од Приштина, откако, вчера, по само десет натпревари од почетокот на сезоната, си поднесе оставка. Неполни пет месеци траеше авантурата на Шаќири во Косово. Фљамуртари по десет кола во косовското првенство собра само девет освоени бода и запиша две победи.

Цените на фудбалерите во соседно Косово ова лето рапидно скокнаа, па бројот на странски фудбалери е уште поголем. Некои македонски професионалци се решија да ја одберат косовската Суперлига, како би добиле шанса за настап. Младиот страничен фудбалер Ристе Илијовски го засили косовски Фљамуртари на договор од една година.

Македонскиот напаѓач Борче Маневски е спасителот на косовскиот Балкани. Имено, битолчанецот го постигна вториот гол во победата над Дрита со 2-0, погодувајќи во 50. минута за заверка на триумфот. Ова е петти гол во сезоната за еден од најдобрите стрелци во историјата на ПМФЛ, сигурно најважниот, бидејќи Балкани директно обезбеди опстанок и нема да игра бараж.

Македонскиот напаѓач Борче Маневски продолжува со одлични партии во дресот на косовскиот прволигаш Балкани. Вчера битолчанецот го постигна единственит гол во победата на својот тим против Лирија со 1-0.

Младиот и перспективен македонски стратег Ардијан Нухиу се реши својата тренерска кариера да ја продолжи во Косово, односно во прволигашот Дрита од Гњилане.

Младиот 21-годишен плејмејкер, Мартин Мирчевски ќе ја зголеми македонската колонија во Косово, откако потпиша договор со Трепча до крајот на сезоната. Битолчанецот им се придружи на Гуцев и Бујчевски, кои минатата недела го ставија потписот на договорот со овој амбициозен проект.

Еден од подобрите фудбалери на Силекс, Благој Гуцев се одлучи за интернационален трансфер и во идната сезона ќе настапува во косовскиот шампионат. 

Македонскиот репрезентативец Висар Муслиу тренира со екипата на Приштина и е пред трансфер во косовскиот прволигаш.