• Саше Љолес
Тренерот на Наполи, Антонио Конте, по елиминацијата на неговиот тим од Комо во Купот на Италија, изјави дека сезоната за судиите и за ВАР-технологијата „не е добра“.
Сратегот на актуелниот италијански шампион истакна дека многумина, вклучувајќи тренери, играчи и навивачи, имаат причини да се жалат на одредени одлуки на теренот.
Конте додаде дека ситуацијата со судењето е таква што навистина „можеме само да се помолиме“ за подобрување, нагласувајќи дека е потребно да се изнајдат начини за зголемување на квалитетот на судиските одлуки и ВАР интервенциите.
И покрај критиките, тој истакна дека ова е само еден од факторите што го отежнуваат текот на сезоната за неговиот тим, особено во комбинација со бројните повреди што го погодуваат составот.
Наполи испадна од Купот на Италија и од Лигата на шампионите, па за „партенопеите“ останува само борбата во домашното првенство, каде имаат девет бода помалку од лидерот Интер.
