• Горан Упале
Најверните навивачи на Вардар, популарните „Комити“ им возвратија на своите лути ривали – „Чкембари“, откако битолската навивачка група со интересно видеа го најави гостувањето на големото дерби во ПМФЛ и воедно го пецна противникот.
Видеото кое што беше објавено на социјалните мрежи на „Чкембари“ стана вирално, а „Комити“ се потрудија на иста мера да им возвратат на битолчани. Скопската навивачка група објави видео во кое еден детаљ е највпечатлив, тоа е хитот на Ана Костова „Коњи брзајте“, со што им на еден начин им одговорија на вчерашната провокација на битолчани.
Големото дерби во мак-фудбалот се игра в недела, со почеток од 20:00 часот, на арената „Тодор Проески“.
