• Саше Љолес
Тренерот на Интер, Кристијан Киву, ги сподели своите очекувања пред дуелот со Болоња во рамки на Суперкупот, нагласувајќи дека неговиот тим ќе влезе во натпреварот со јасна цел – борба за трофејот и добра мотивација за остатокот од сезоната.
„Ова е натпреварување кое сакаме да го одиграме до крај. Знаеме каде се наоѓаме и што значи овој меч, па ќе дадеме сè од себе. Можеби не го заслуживме местото според класичните критериуми, но кога веќе сме тука, сакаме да го искористиме моментот.
Овие натпревари не простуваат грешки. Потребна е енергија, карактер и желба за победа“, изјави романскиот стратег.
Во однос на составот, тренерот потврди дека Интер нема сериозни проблеми со повреди и дека конечната одлука за стартниот тим ќе ја донесе непосредно пред натпреварот.
Натпреварот помеѓу Болоња и Интер ќе се одигра на деветнаесетти декември, а почетокот е закажан за 21:00 часот.
