• Саше Љолес
Манчестер Јунајтед не успеа со победа да ја заврши претсезоната, откако во Вроцлав загуби со 4-2 од италијанскиот Милан. „Црвените ѓаволи“ двапати имаа предност, но во второто полувреме целосно го загубија ритамот и примија три гола.
По натпреварот, менаџерот Мајкл Керик истакна дека тимот мора да ги анализира грешките пред почетокот на сезоната.
„Разочарани сме од резултатот. Имавме добри моменти и двапати бевме во водство, но начинот на кој го загубивме натпреварот не е доволно добар. Во второто полувреме ја загубивме контролата, особено во одбраната, а Милан тоа знаеше да го искористи.
Ова е подготовка и има многу работи од кои можеме да научиме. Најважно е сега да ги извлечеме поуките, да продолжиме да работиме и да бидеме подготвени кога ќе започнат натпреварите за бодови“, изјави Карик.
Јунајтед ја започнува новата премиерлигашка авантура на 22 август, кога ќе гостува кај екипата на Хал Сити.
