• Саше Љолес
Англискиот фудбалер Џордан Хендерсон официјално го напушти холандскиот гигант Ајакс, со кој пронајде заеднички јазик за раскин на договорот.
35-годишниот Хендерсон имаше важечка соработка до следното лето, но сега заминува од најславниот холандски клуб и најверојатно ќе се врати во родната Англија.
За неговите услуги е заинтересиран повратникот во Премиер лигата, Сандерленд, клуб каде Хендерсон впрочем и ја започна својата фудбалска кариера. Претходно настапуваше за саудискиот Ал-Етифак, а најголем печат остави како играч на Ливерпул, за кој одигра 360 лигашки натпревари.
Хендерсон е и поранешен репрезентативец на Англија. Во дресот на „трите лава“ впиша вкупно 84 настапи и постигна три голови.
ФОТО/PHOTO: AFC Ajax/Facebook
