ВИДЕО: Калц се крстеше со неверување, дали Беса доби пенал на подарок од судијата?

Фудбалерите на Беса со многу мака забележаа нова победа во ВМФЛ, откако пред својата публика по пресврт го совладаа тимот на Скопје со 2-1, во рамките на 24. коло.

Скопјани подобро го започнаа натпреварот и поведоа со 0-1, но само што започна вториот дел Беса прво израмни на 1-1, а искусниот Емини од пенал во 80. минута ги постави конечните 2-1. Токму најстрогата казна која што ја доби Беса крена многу прашина на теренот, гостинските фудбалери сметаа дека не постоело никаков прекршок, тренерот Љупќо Марковски се крстеше, а натпреварот за момент беше во прекин поради влез на неофицијално лице на теренот. 

  • Спорниот момент од натпреварот:

Откако реагираше полицијата и ја отстрани личноста од теренот, натпреварот продолжи и Емини со сигурна реализација донесе голема победа на Беса.