• Мартин Танасковски
Француски Лион би можел да остане без настап во европските натпреварувања следната сезона, иако клубот сè уште се бори за место во Лига на шампиони преку Лига 1. Според информациите, францускиот великан не успеал да ги исполни условите од договорот со УЕФА поврзан со финансиската одржливост.
Минатото лето, телото на УЕФА задолжено за финансиска контрола ги санкционираше Лион, Астон Вила и Челзи поради прекршување на финансиските правила. Францускиот клуб доби казна од 20 милиони евра и првично беше префрлен во втората лига, иако таа одлука подоцна беше поништена по жалба.
Како дел од договорот, сопствениците на Лион морале да вложат 60 милиони евра и да го претворат износот во капитал до 15 октомври. Според „Телеграф“, тоа не било направено. Доколку клубот не успее да докаже дека ги исполнил барањата на УЕФА, можно е да биде исфрлен од европските натпреварувања, иако организацијата ретко се одлучува на толку строги мерки.
Проблемите дополнително се продлабочени откако клубот пријавил загуби од 186 милиони евра за втората половина од 2025 година. Мајкл Канг моментално е претседател на клубот, додека главен кредитор е Џон Текстор, чиј проект со повеќеклубска сопственичка структура донел огромни долгови.
На спортски план, Лион е четврти во француското првенство и со победа против Ленс би обезбедил најмалку место во квалификациите за Лигата на шампионите, но сега настапот во Европа зависи и од финансиската документација.
