• Горан Упале
Фудбалерите на Сент Етјен извојуваа значајна победа над Лил на стадионот „Жефри Гишар“ со резултат 1-0 (1-0) во воведниот натпревар од четвртото коло во Лига 1.
- Извештај од натпреварот:
Резултатот на легендарниот стадион може да се окарактеризира како изненадување, бидејќи Сент Етјен пред репрезентативната пауза изгледаше како тим кој е далеку од нивото на останатите членови во француската елита.
Ниту вечерва не импресионираа, но атрактивниот погодок на Метју Кафаро во шестата минута беше одлучувачки за трите бода на домашниот тим. Лил беше статистички многу подобар ривал на теренот. Упати седумнаесет удари кон голот на домаќините, но ниту еден не заврши во посакуваната цел.
По последниот судиски свиреж следуваше големо славје на домашниот тим и фановите, кои ја прославија првата победа сезонава. Воедно ова е и прв триумф над Лил од 2018 година.
