• Иван Димовски
Наполи не личи на шампионот од минатата сезона. Милан уште на стартот ја покажа својата амбиција, но во последниот месец не ја оправда на дело, па трката за шампионот на Италија би можела да биде запечатена во дербито на Италија.
Ретко кој можеше да претпостави дека најжестоката борба за титулата на „чизмата“ ќе ја водат Интер и Јувентус. Сепак, на третина од сезоната ситуацијата е токму таква. „Нероаѕурите“ ја предводат колоната во Серија А, а темпото на миланскиот тим единствено што успева да го држи се „бјанконерите“. Интер е очекуван лидер, но веројатно само најстрасните навивачи на Јувентус можеа да предвидат дека нивниот тим ќе биде првиот предизвикувач на тимот на Симоне Инзаги.
Сите квоти во MOZZART за натпреварот меѓу Јувентус и Интер
И не само што покажа најголема подготвеност да се бори со Интер, туку во недела може да го претекне и да ја преземе лидерската позиција во првенството! А за такво нешто ќе му треба победа пред домашните навивачи во дербито од 13. коло! Јувентус го дочекува натпреварот со два бода заостанување, но со серија од пет победи во кои прими само еден гол, во последното коло против Каљари. Макс Алегри всушност својата игра ја темели пред сè на цврстата одбрана, што се потврдува и со фактот дека пет од неговите девет победи беа остварени со еден гол разлика. Интер, пак, е најефикасната екипа во Серија А, постигнувајќи 29 гола на 12 натпревари, дури десет повеќе од Јувентус, а пред гостувањето во Торино нанижа шест во сите натпреварувања.
Сепак, „старата дама“ во моментов е позната како најнепријателскиот домаќин и заедно со Монца е единствениот тим без пораз на домашен терен. Повторно, „нероаѕурите“ се единствениот тим со максимален учинок на гости во Серија А од почетокот на сезоната. Меѓусебните натпревари во првенството генерално не носат многу голови во последно време. Од претходните десет натпревари меѓу Јувентус и Интер во Серија А, само на две мрежите се тресеа три или повеќе пати. Не очекувајте „огномет“, ниту овој пат на стадионот „Алијанц“. Тоа не е стил на Јувентус.
