• Горан Упале
Италијанскиот гигант Јувентус предложи спогодба со италијанските фудбалски власти и се изјасни за виновен за случајот со наводни неправилности во исплатата на платите на играчите.
Рочиштето пред судот на Италијанската фудбалска федерација (ФИГЦ) беше одржано претпладнево, иако првично беше закажано за 15 јуни и одлучено е Јувентус да мине само со финансиска казна во висина од околу 750.000 евра. Договорот за признавање вина означи обид на најуспешниот клуб во италијанскиот фудбал да го расчисти случајот пред крајот на тековната сезона во Серија А, која завршува викендов.
Сепак, Јуве најверојатно ќе го загуби местото во Конференциската лига поради санкциите кои би можеле да бидат наметнати по посебна истрага на УЕФА, управното тело на европскиот фудбал.
Клубот претходно негираше дека сторил нешто лошо и рече дека неговите сметки се во согласност со практиката на фудбалската индустрија.
