Јовановски: Работнички со машка борба доби тешка битка за Европа

Ѓоре Јовановски, стратегот на Работнички, по победата над Скопје (3-2) и пласманот во Лигата на Европа им честита на своите фудбалери за борбеноста и истакна дека овој голем успех на „романтичарите“ од Дебар Маало  е нивен.

„Со емоции по средбата тешко може да зборувам. Честитки за успехот што го направи Работнички, ова е за сите во клубот. Успехот го препишувам на фудбалерите. Играа под психолошки притисок, екипи ни бегаа дури и по 10 бода во одреден ден од сезоната, но ги стигнавме, потоа и  ги престигнавме и дојдовме до Европа. Од пследниот натпревар не сум задоволен во однос на играта, но со пласманот во Европа се се заборава. Сигурно дека беше тешко како и да е честитки за фудбалерите најмногу заслужуваат“, изјави Јовановски по мечот.

Работнички ќе ја претставува Македонија во Лигата на Европа заедно со Вардар, а третиот патник во квалификациите од најмасовното европско фудбалско натпреварување ќе се реши по финалето од Купот на Македонија.