ВИДЕО: Ивановски даде супер-гол, но не го прослави од почит кон Вардар

Филип Ивановски успеа да погоди за екипата на Беласица на гостувањето кај Вардар во Скопје (1-1), откако во мрежата на Филип Гачевски даде ефектен гол.

Најистурениот напаѓач на струмичани даде супер-гол од свртување, а Гачевски немаше шанса да интервенира по одличниот удар на искусниот фудбалер. Филип Ивановски не го прослави погодокот од почит кон Вардар, затоа што во минатото го носеше „црвено-црниот“ дрес.

33-годишниот Ивановски во Беласица пристигна од Финска каде го носеше дресот на Ропс. За Вардар настапуваше во сезоната 2011/12 и од 2014 до 2016 година и беше голем миленик на навивачите.