• Мартин Танасковски
Македонскиот репрезентативец Иван Николов летово ќе направи нов трансфер во кариерата, откако по истекот на договорот со Радник Бијељина стана слободен играч на пазарот.
Дваесет и четиригодишниот играч за врска веќе привлекува сериозно внимание од повеќе европски клубови, а според информациите на новинарот Руди Галети, најконкретен интерес во моментов постои од Данска, каде што Николов би можел повторно да заигра.
EXCL | Ivan Nikolov is attracting interest for a return to Denmark, while clubs from Serbia, Hungary, Romania and Poland are also monitoring his situation.
The 24-year-old midfielder has finished his contract with Radnik Bijeljina and is now ready for a new challenge. pic.twitter.com/dj5R52tfp5
— Rudy Galetti (@RudyGaletti) June 9, 2026
Покрај данските клубови, неговата ситуација внимателно ја следат и екипи од Србија, Унгарија, Романија и Полска, кои во наредниот период би можеле да испратат официјални понуди за негов ангажман.
Покрај за Радник, штипјанецот во кариерата играше и за Вендсисел и Сондерјуске од Данска, како и македонските Брегалница, Вардар и Академија Пандев.
