• Зоран Мишевски
Никогаш не е пријатно да се загуби, но овој пораз на Италија од Република Ирска вечерва во Лил е безболен. Еуфорија настана меѓу ирските навивачи, а тагуваат Швеѓаните, кои во исто време во Ница загубија од Белгија со 1-0 и се елиминирани.
Class is eternal when you're Buffon. pic.twitter.com/NaQAmCqD7t
— Bilal B. (@JuveBillz) June 22, 2016
Италијанските навивачи им се смеат на „викинзите“ и ги потсетуваат на „бисквитот“ меѓу Шведска и Данска кои во Португалија во 2004 година одиграа 2-2, за да испадне Италија на Трапатони, тогаш со 4 бода и без пораз во групата.
Иако мечевите не беа целосно поврзани за пласман во осминафиналето, Италијанците двапати им наплатија на Швеѓаните на овој шампионат. И со победата во Тулуз со 1-0 и со насладувањето вечерва.
