Суперкуп на Италија

Рафаел Леао беше еден од клучните играчи на Милан во пресвртот против Интер во финалето од Суперкупот, а неговото влегување на теренот донесе свежина во играта на „росонерите“ и придонесе со една асистенција за голот на Тами Абрахам. 

Тренерот на Интер, Симоне Инзаги, беше разочаран после поразот на неговиот тим од Милан (2-3) во финалето на италијанскиот Суперкуп и рече дека играчите морале порано да го затворат натпреварот за да го избегнат непријатниот епилог на крајот. 

Милан е сензационален освојувач на Суперкупот на Италија, откако пак направи пресврт и од 2-0 се врати да триумфира со 2-3 против Интер во финалето на ова натпреварување во Ријад. Пресвртот го донесоа замените на Консеисао, Леао и Абрахам, кои „вмешаа прсти“ во скоро сите акции и голови на „росонерите“ во вториот дел. 

Фудбалерите на Милан ќе го предизвикаат Интер за трофејот во Суперкупот на Италија. Средбата која ќе се одигра во Саудиска Арабија ќе биде втора за Серџо Консеисао на клупата на „росонерите“. Тој имаше успешно деби против Јувентус, а сега среќата посака да се судри со својот поранешен клуб.