Серија А

Фудбалерот на Фиорентина, Едоардо Бове не е во животна опасност, според последните информации кои доаѓаат од Италија. Играчот од средниот ред на „виола“ колабираше на теренот, а натпреварот помеѓу Фиорентина и Интер во 14. коло во Серија А не беше продолжен.

Навивачите на Фиорентина, но и јавноста во Италија и светот може да здивне - Едоардо Бове и официјално е во стабилна состојба. Младиот фудбалер колабираше за време на мечот на неговиот тим со Интер, предизвикувајќи страв и паника на „Артемио Франки“. 

Натпреварот меѓу Фиорентина и Интер нема да продолжи вечерва и дополнително федерацијата ќе одлучи кога ќе се доигра. Иако гледачите уште се на стадионот „Артемио Франки“, сепак веста е официјална и фудбалерите на двете екипи нема да се вратат од соблекувалната. До моментот на прекинот резултатот гласеше 0-0, а оправдано беше поништен погодокот на Лаутаро Мартинез.

Наполи ја продолжи серијата победи во Серија А и ќе остане лидер и по 14. коло. Екипата од под Везув со три бода се враќа од областа Пјемонте, откако попладнево го совлада Торино со 0-1 (0-1).