• Зоран Мишевски
Големо име пред промоција на клупата на шкотскиот гигант Селтик. Поранешниот ирски репрезентативец Роби Кин е фаворит да го предводи клубот од „Селтик парк“ од следната сезона, јавија денеска британските медиуми.
Кин во моментов е на чело на унгарски Ференцварош, во својата прва сезона како тренер. Кин настапуваше како фудбалер половина сезона во Селтик во 2010 година, но не успеа да освои трофеј со тимот од Глазгов.
Привремениот тренер на Селтик, Мартин О’Нил, би можел да биде назначен за технички директор во клубот од ова лето.
