• Мартин Танасковски
Легендарниот италијански напаѓач Филипо „Пипо“ Инзаги постигна голем успех како тренер на Пиза, водeјќи го тимот до промоција во Серија А по цели 34 години. Историски момент за клубот, но и покрај тоа – Инзаги нема да биде на клупата следната сезона, иако имаше важечки договор.
Интерес за неговите услуги покажуваше Палермо, кој со месеци преговараше и на крајот плати отштета за да го доведе. Постигнат е целосен договор и Инзаги ќе го преземе тимот од Сицилија ова лето, со што договорот со Пиза ќе биде раскинат предвреме.
Иако немаше позначајни резултати во Серија А како тренер на Милан, Болоња, Салернитана, Реџина и Бреша, Инзаги се етаблираше како експерт за успеси во пониските лиги. Со Венеција ја освои Серија Ц, со Беневенто ја освои Серија Б, а сега со Пиза обезбеди пласман во елитата, завршувајќи како второпласиран тим.
Инзаги и понатаму го гради своето тренерско реноме, а Палермо очекува тој да биде токму човекот што ќе ги врати во елитата на италијанскиот фудбал.
