Инзаги: Му честитав на целиот тим, но ова е само добар почеток

Тренерот на Интер, Симоне Инзаги беше одушевен по победата на неговиот тим над Милан во дербито на Милано

„Нероаѕурите“ го совладаа градскиот ривал со 5-1 и се максимално подготвени за првиот натпревар во новата сезона од Лигата на шампионите.

„Имавме многу добар почеток на сезоната и одлично дерби. Бевме фокусирани, постигнувавме голови во вистинските моменти, замените беа многу добри, па честитки за момците. Знаеме дека е само добар почеток, но ние сме среќни поради нашите навивачи. Сега треба да се подготвиме за следните натпревари.

Важна е длабочината на клупата, сега ќе играме на секои три дена и ќе има простор за сите. Денес му честитав на целиот тим“, изјави Инзаги.

Прв ривал на Интер во новата сезона во Лигата на шампионите е Реал Сосиедад, натпревар кој се игра в среда.

Состави

Симоне Инзаги

3-5-2

    Стефано Пиоли

    4-3-3