У21 Европско првенство

Со големо изненадување заврши групната фаза на Европското првенство за фудбалери до 21 година, кое заеднички го организираат Романија и Грузија. Фаворизираната селекција на Италија загуби од Норвешка со 0-1 (0-1) и заврши на третото место во групата. Покрај елиминацијата, „аѕурите“ останаа и без место на Олимписките игри во Париз. 

Репрезентациите на Шпанија и Украина за играчи до 21 година одиграа нерешени 2-2 во одлучувачкиот дуел од групата на Европското првенство. Со овој резултат „фуријата“ го зазеде првото место за кое се бореше. 

Фудбалските репрезентации на Грузија и Португалија се пласираа во четвртфиналето на Европското првенство до 21 година. Грузијците одиграа реми како победа против Холандија (1-1) и ги израдуваа полните трибини на „Борис Паичадѕе“ во Тбилиси. Иако важеа за аутсајдер во екстремно квалитетната група, Грузијците над сите очекувања завршија како првопласирани, откако ја совладаа Португалија, а ремизираа со Белгија и Холандија.

Фудбалската репрезентација на Германија до 21 година уште еднаш ги разочара своите навивачи, загуби од Чешка (1-2) во рамки на второто коло и сега може да остане без нокаут-фаза на Европското првенство (ЕП) за играчи до 21 година во Грузија и Романија.