УЕФА Лига на шампиони

Тренерот на Шкендија, Ќатип Османи ги потврди најавите и со формација 4-2-3-1 ќе го извади најавениот тим за првиот натпревар од второто коло од квалификациите за Лигата на шампионите против велшкиот првак  Д Њу Сејнтс (ТНС).

На прес-конференцијата говореше и Џејми Молан, најдобриот играч во велшката Премиер лига за изминатата сезона и лидер во средниот ред на Д Њу Сејнтс (ТНС). На тренингот на ТНС во Скопје имаше дожд, па затоа Англичанецот кажа дека временските услови им годат, пред дуелот со Шкендија.

Дванаесеткратниот шампион на Велс, Д Њу Сејнтс (ТНС), пристигна во Скопје и го одработи тренингот на „Филип Втори“ Арената. Одушевени од нашиот најголем стадион, Велшаните прво направија по некое „селфи“, а потоа ги одработеа командите на тренерот. ТНС влегува како аутсајдер на хартија на овој натпревар, но и покрај тоа, Шкендија не го потценува тимот со над 50 европски натпревари во историјата.

Македонскиот фудбалски првак Шкендија го одработи последниот официјален тренинг пред мечот со Д Њу Сејнтс (ТНС) од Велс и првиот меч од првото квалификациско коло во Лигата на шампионите. Избраниците на Ќатип Османи на дождливо време тренираа во полн состав, вклучувајќи го и Бесарт Ибраими, кој имаше мала повреда, но како што изгледа таа е минато. Натпреварот меѓу Шкендија и ТНС се игра утревечер (вторник) од 20.15 часот, а билетите се веќе пуштени во продажба и чинат 200, 400 и 600 денари.