• Зоран Мишевски
Најскапиот американски фудбалски проект - Интер Мајами на Дејвид Бекам тргнува по титулата во МЛС лигата преку плеј-офот. Сепак, на првиот сериозен испит мора без еден од најдобрите фудбалери.
Луис Суарез е суспендиран еден натпревар од плеј-офот на МЛС поради удар врз дефанзивецот на Нешвил Предаторс, Енди Најџар, во реваншот од осминафиналето (3-1).
Дисциплинската комисија на МЛС лигата во соопштението изјави дека агресивното однесување на Суарез во 71. минута од натпреварот оправдано довело до дисквалификација, иако против него не беа досудени никакви прекршоци во натпреварот.
МЛС лигата го казни уругвајскиот интернационалец и со парична казна. Третиот натпревар од осминафиналето ќе се одржи на 9 ноември на теренот на Интер Мајами.
