• Горан Упале
Капитенот на Интер, Лаутаро Мартинез, нема да игра во недела против Комо во натпреварот од 32. коло од италијанската Серија А поради повреда на мускулот на левата нога.
Како што е објавено на веб-страницата на Интер, Аргентинецот има мало истегнување, а следната недела ќе му бидат извршени нови прегледи, по што попрецизно ќе се знае колку долго ќе отсуствува.
Мартинез е најдобар стрелец на Интер оваа сезона, постигнувајќи 20 гола на 36 натпревари во сите натпреварувања. Седум кола пред крајот на Серија А, Интер има седум бода предност во однос на второпласираниот Наполи и девет пред градскиот ривал Милан.
Комо, пак, е најпријатното изненадување во сезоната во италијанската елита и во пресрет на овој дуел е на четвртата позиција на табелата.
